Langflestir lánþegar nota appið okkar til að njóta bókakosts safnsins. Appið er til bæði fyrir Apple og Android (Samsung) síma og er auðvelt og þægilegt í notkun. Hægt er að hlaða því niður í AppStore Apple og PlayStore Google.

Aðgengileg bók er skilgreind sem bók sem allir geta lesið, hvort sem er í texta, hljóði eða á annan hátt. Erfitt og jafnvel ómögulegt er að búa til 100% aðgengilega bók þar sem þarfir og hæfni lesenda eru mjög mismunandi.

Hljóðbókasafn Íslands er aðgengissafn sem stefnir að því að allir sem þurfa á sérstökum lausnum að halda til að geta lesið bækur hafi aðgang að slíkum bókum hjá safninu. Aðgengi fyrir alla er lykilatriði til að skapa gott samfélag.